asturià

Si a Candeleira chora, el invierno xa vay fora; si a Candeleira rí, el invierno ta por vir

Si a menudo cambien ruta, vien tempestá en sin disputa

Si atraviesa per la Sierra y va hasta la Palombera, el que nun quiera moyase nun salga de la casa afuera

Si canta'l sapu antes d'Abril, ta'l ivierno por vinir

Si como pinta quinta y como quinta otava, como otava acaba

Si contra'l sol enderiecen, mal tiempo ye lo qu'ofrecen

Si cuando mires pa Infiestu ves borrín en Miravete, tira la fesoria y vete

Si de tardi la vaca solmena'l cencerru, échai el fatu, pastor, y muda de xerru

Si del quince al vente de Marzo non llega la golondrina, vas ver el campu blancu como si fuera farina

Si dempués qu'abocanó vese la tierra fumiar, ye siñal de qu'otra vez va llover hasta fartar

Si el borrín está en Espina, mala espina

Si el borrín se posa'n Sueve, ye bien seguro que llueve

Si el borrín sube del mar, métite lluego a techar

Si el cielu non tá ñuble y pierden so claridá, ye una siñal de que pronto habrá tempestá

Si el cuervu glaya pe la mañana, ya tá 'l güen tiempu a la ventana

Si el cuquiellu non vien ente Marzo y Abril, ye que'l cuquiellu morrió o el Rey va morir

Si el Estoupo tien niebla, echa la capa, que nieva

Si el gatu se llava tres de la oreya, tamién llava so llana la oveya

Si el sol fai colar lluego la ruciá, ye siñal de lluvia declará

Si el tiempu entra del noroeste y al nordeste se te rola, non esperes más que mal tiempu, con el agua hasta la bola