ALAIMO, Emma - Proverbi Siciliani

Ddiu nni scanza di cuda di marzu e di testa di aprile

Fibrareddu è curtuliddu, [/] ma nun c'è cchiù tintu d'iddu

Frivaru, quann'è chiuvusu, è assai lucrusu

Jinnaru siccu, massaru riccu quannu dicembri metti lu lippu

L'acqua assai fa curcari lu lavuri

L'acqui di l'Assunzioni, [/] pigghiatilli ca su' boni

La luna di marzu règula sei misi

La luna di settèmmiru cuverna setti luni

La nivi marzalora / la notti cadi e lu jornu 'un si trova

Nagghia vascia bon tempu lassa

Natali cu lu suli e Pasqua cu lu tizzuni: chissa è la vera staciuni

Nun c'è quinta senza sciloccu né fimmina senza nnoccu

Nun c'è simana santa senza quinta né quinta senza sciloccu

Per S. Franciscu [/] nesci lu caudu e trasi lu friscu

Pri Santa Chiara [/] ogni stizza 'na quartara

Pruvularzu di jinnaru càrrica lu sularu

Quannu canta lu gaddu fora d'ura, / a canciari lu tempu 'un addimura

Quannu chiovi di matina, / Pigghia l'aratu e va sinìna; / quannu chiovi di vèspiru a notti, / va mèttiti li botti

Quannu in marzu suli e acqua 'ncuttu sempri cu acqua e suli carricari fa li muli

Quannu la gatta si lava la facci, signu ch'havi a chioviri