CASTAÑÓN, Luciano - Refranero asturiano

Non pasará un mes d'Abril sin cayer xarazos mil

Non vayas de costera[,] que canta la Cordelera

Non vayas de costera[,] que ruxe la Salmoriera

Nordeste duraor, a la tardi quedaor y a la mañana madrugaor

Nordeste oscuro, sur apurro

Nordeste que a la marea non vien, trampa tien

Nube'n el Cuera, tres días espera

Nubes pa Mingoyo[,] señal de bono; nubes pal Aramo[,] señal de malo

Nubes van pa Ancares, sol por to los lugares, y nubes van pa Asturias, nieve en las uñas

Nublina decembrina, la nieve a la petrina

Nublina en la Furadía, agua pal otru día

Nubraceiros en Xeneiro, nevaradas en Ferbeiro

Nunca llovió que no 'scampó

Nunca llovió que non abocanara

Nunca llovió que non aparara, mas qu'una vez. ¿Cuando? [sic] Agora

Oh Marzo Marzo, por mucho qu'espernexes ya non te tengo mieu; dice el campesino. Y contesta el mes: Con cinco días que me falten y cinco que me dexe'l mi hermanu Abril, tovía te cuelgo los pelleyos de la panera y te pongo'l sacu al recostín

Pa bon tiempu, bermellón al poniente y non al saliente

Pa Galicia nordeste y pa Asturias vendovales

Pa la mar claro, pal puerto oscuro, tiempo seguro

Pa pescar calamares en a costa d'Asturias, tien que tar la mar "laguna"