SANTORO, Caterina - Proverbi milanesi

Nivol ross, o ch'el piœuv o ch'el boffa

O bagnaa o sutt, per san Luca somenna tutt

On'acqua a soa stagion la var pussee che tutt i ricchezz del re Faraon

Pril prilett, on dì cald e on dì fredd

Quand a la sira el sô el se volta indree, a la matinna se gh'ha l'acqua ai pee

Quand el gatt el se lecca sora i orecc, el piœuv de cert

Quand el temp el vœur cambià, nè và a caccia, nè a pescà

Quand piœuv el dì de Pasqua, pussee uga che frasca 

Quell che ripara el fregg, ripara el cald

S’el piœuv a san March o a san Grigœu[,] l’uga la va tutta in cavriœu

S’el piœuv al dì de l’Ascension, tutt i frutt van in perdizion

San Lorenz la gran caldura, san Vincenz la gran freggiura, vunna e l'oltra pocch la dura

San Lorenz la gran caldura, san Vincenz la gran freggiura, vunna e l’oltra pocch la dura

Se fa bell el dì de san Gall, el fa bell finn'a Natal

Se fa bell el dì de san Pavol, s'impicchen tucc i fittavol

Seren d'inverna, nivol d'estaa, amor de donna e caritaa de fraa, hin tre coss che no gh'han stabilitaa

Vinticinqu san Giacom, vintises sant'Anna e vintisett el deluvi