CASTAÑÓN, Luciano - Refranero asturiano

Cuando 'l sal se derrite, ves les piedres sudar, o tán húmedos los fierros, xelu o lluvia pués cuntar

Cuando 'l Sueve ponga capa, non dexes la tuya 'n casa

Cuando 'n Noviembre trona, la coliecha siguiente será bona

Cuando Barguero pon capa, non dexes la tuya 'n casa

Cuando canta 'l pampayar, pica la guadaña y vete a segar

Cuando chove ya fai sol, andan las vieyas alrededor

Cuando chueve ya fay sol, sal el arco del Señor

Cuando Cotovellosu pon la capa, pon la tuya y escapa

Cuando de nordeste llueve, hasta les piedres mueve

Cuando de Pravia no vien, trampa tien

Cuando Dios quier, de todos los vientos llueve

Cuando la Candelera chora, el invierno vai fuara, que chore que deixe de chorar, la mitá del invierno ta por andar

Cuando la chimenea 'smena 'l sarriu, vendrá 'l agua anque sea del calvariu

Cuando la chouva vey pa la sierra, coy la bruesa ya vey a por tcheña; ya cuando vey pa la mar, coy il gadaño ya vey a sigar

Cuando la cuesta del Naranco pon la cota, muyeres de Noreña[,] quitai la ropa

Cuando la cuesta del Naranco tien capa, non dexes la tuya 'n casa

Cuando la culebra sal antes del mes d’Abril, el ivierno ta por venir

Cuando la culebra se ve antes d'Abril, la nieve la tien que cubrir

Cuando la gallina pía, señal de güen día

Cuando la gallina se calienta, tá el agua cerca